FARA E ZEZË – ILAÇ MREKULLIBËRËS PËR TË GJITHA SËMUNDJET

Përmendim vetëm disa prej shumë sëmundjeve kundër të cilave shfrytëzohet ky ilaç mrekullibërës: aknet, alergjitë dhe astma, fryerja e barkut, celuliti, rrufa, dhembjet në nyje, mungesë e koncetrimit, gurëzit në veshka, impotenca e pjesërishme, format e rënda të shterpësisë, gingiviti, . . .

Transmetohet nga Ebu Hurejre r.a. që Pejgamberi s.a.v.s. ka thënë:

“Fara e zezë përmban në vete ilaç për çdo sëmundje, përveç vdekjes.” (Hadithi është sahih dhe e shënojnë Buhariu dhe Muslimi në përmbledhjet e tyre të haditheve)

 

FARA E ZEZË (QIMONI, KOKRRA E KIMIT TË ZI, ar. Habbetu es-sevda, lat. Nigella sativa)

 

Fara e zezë në mbështjellësin e saj përkujton në mbështjellësin e hashashit, përmban kokërrza të zeza të cilat pas korrjes thahen. Nga kjo farë me filtrim të ftohtë fitohet vaji i cili është i pasur me acide të pangopura yndyrore. Këto aminoacide janë esenciale (me rëndësi jetësore), andaj me ushqim është e nevojshme të futen në organizëm.

Sot, fara e zezë kultivohet kryesisht në Siri, Irak, Egjipt, Amerikë, Indi, Pakistan, Iran, Greqi, Qipro, meqë më së miri ka sukses në territoret me diell.

 

HISTORIA

 

Fara e zezë egjiptiane “el-bereka” është njëra prej bimëve më të hershme të kultivuara të njerëzimit. Por, kohëve të fundit kjo bimë është zbuluar rishtazi nga ana e mjekëve të mjekësisë alternative, imunologëve si dhe ndërmarrjeve të ndryshme farmaceutike.

Karakteristikat e vlefshme të farës së zezë janë të njohura që moti dhe është vlerësuar në shumë kultura përgjatë rruzullit tokësor.

Fara e zezë (lat. Nigella sativa) përmendet edhe në Bibël me titull kimi i zi. Edhepse nuk i takon të njëjtës familje të bimëve e me këtë emërtimi është i gabuar, ai edhe sot përdoret në territoret folëse gjermane, ku për çarragat (fjalë me prejardhje turke) përdoret shprehja Schwarz kummel – kimi i zi. Kjo farë qysh në kohë të lashta është përdorur gjatë përgatitjes së ushqimit.

Dobinë e kësaj bime e ka përshkruar edhe Muhammedi s.a.v.s. me fjalët:

“Fara e zezë përmban në vete ilaç për çdo sëmundje, përpos vdekjes.” Ky hadith i Pejgamberit s.a.v.s. (i transmetuar ngaa Ebu Hurejre r.a. në transmetim është sahih që shënojnë Buhariu dhe Muslimi në përmbledhjet e tyre të haditheve) është meritor për popullaritetin e madh të farës së zezë në botën islame të cilën e quajnë edhe farë e bekuar. Shkenca bashkëkohore sot e ka vërtetuar vërtetësinë e këtij hadithi.

Edhe para Muhammedit s.a.v.s. mjekët e faraonëve e kanë përdorur vajin dhe kremin e farës së zezë te sëmundjet e sistemit tretës. Është përdorur edhe në kozmetikë, Nofreteti dhe Kleopatra e kanë bërë masazh trupin me vajin e farës së zezë dhe e kanë shfrytëzuar gjatë larjes. Përveç kësaj, në Lindje fara e zezë me mijëra vjet është përdorur për shërimin e alergjive dhe inflamimeve. Më se shpeshti është përdorur te astma, bronhitisi dhe neurodermitisi. Në Greqinë antike, fara e zezë ka qenë e njohur si mjet për sforcim gjatë dobësisë fizike e psikike të sëmurit. Tek ne gjatë është përdorur tinktura e vajit të farës së zezë për shërimin e fryerjes, sëmundjeve të lukthit, mushkërive, mëlçisë, e më shumë. Vetëm nëpërmes mjekësisë moderne high-tech, vaji i farës së zezë bie në harresë. Në Evropë kjo bimë arrin popullaritet të madh në shekullin e mesëm, pas daljes së përmbledhjes së filozofit dhe mjekut Ibn Sina në vitin 1031 (i njohur me emrin e latinizuar Avicenna) me titull “Libri për shërimin e shpirtit”. Pjesa mjekësore e përmbledhjes “Canon medicinae” ka qenë për shekullin e njëmbëdhjetë me rëndësi si shkencë, dhe është shfrytëzuar si libri më i rëndësishëm në fakultetet e mjekësisë së Evropës për pesë shekuj. Ibn Sinai, në mes tjerash përshkruan veprimin e jashtëzakonshëm të farës së zezë për ruajtjen e shëndetit.

Përveç kësaj, libri përmban shumë këshilla dhe receta, të cilat mjekët egjiptas edhe sot u rekomandojnë pacientëve të tyre.

 

ILAÇI MREKULLIBËRËS – VAJI I FARËS SË ZEZË

 

Në shekullin e kaluar, shkencëtarët amerikan dhe arab të instituteve hulumtuese me renome (në mes tjerash edhe në Qendrën për hulumtime kundër kancerit “Hilton Head Island” në South Caroline) filluan me ndihmën e metodave moderne, duke analizuar këtë bimë të bekuar. Kanë ardhur deri te rezultatet vijuese:

– Fara e zezë përmban më shumë se njëqind përbërës (substanca biologjike aktive, omega 3 acide yndyrore të pangopura, vitaminë B, B₂, B₆, C, E, nigellon, nigellinë, timokinon, saponinë, beta-sitosterinë, etj.) të cilët ndikojnë pozitivisht në shëndet, ndihmojnë tretjen dhe punën e zorrëve;

– Substancat në ekstraktin e farës së zezë forcojnë sistemin imunologjik në luftë kundër sëmundjeve tumorale;

– Vaji i farës së zezë vepron kundër bakterieve dhe sëmundjeve këpurdhore;

– Vaji i farës së zezë ka efekt të zvogëlimit të sheqerit të tepërt në gjak;

– Gjatë përdorimit afatgjatë vaji i farës së zezë forcon sistemin imunologjik.

Përveç kësaj, kanë zbuluar që ekstrakti i farës së zezë i aplikuar në sasi të mëdha shkakton sa vijon:

– Stimulimin e qelizave të palcës eshtërore (rritje për 250%);

– Rritja e produksionit të qelizave T – “ndihmuese” dhe qelizave B – “prodhues të antitrupave” në sistemin imunologjik;

– Rritjen e produksionit të interferonit (proteinë që ka rëndësi të madhe për sitemin imunologjik);

– Parapengimi i shumëzimit të qelizave kancerogjene (50% ngadalësim të zhvillimit);

Një institut tjetër hulumtues “Cancer Imuno-Biology Laboratory”, pavarësisht nga këto rezulatete, duke eksperimentuar në kafshë, poashtu ka konstatuar që fara e zezë ngadalëson zhvillimin e qelizave të kancerit.

Acidet e pangopura yndyrore që përmban fara e zezë nevojiten si materie ndërtuese të hormoneve të indeve. Ato nxisin shkëmbimin e materieve dhe tretjen. Përveç kësaj, rregullojnë kolesterolin dhe mundësojnë shkëmbimin e shëndoshë të materieve. Kështu për lëkurë dhe flokë kanë rëndësi të madhe.

Hulumtimet e deritanishme kanë treguar që fara e zezë nuk vepron direkt në organe të veçanta, por vepron në tërë organizmin nëpërmes sistemit imunologjik (forcim/ revitalizim) dhe si pastrues nëpërmes zorrës së trashë, kështu që dobia është e shumëfishtë.

Studimet në klinikën universitare të fëmijëve në Mainz kanë treguar që fara e zezë përmban Gamma-acidin linoleik i cili ka efekt antiastmatik, ngase parapengon reaksionin alergjik.

Stresi i rritur, konsumimi i mjeteve për kënaqësi, me lëvizje të pakta, ushqimi i gabuar, shkatërron sistemin imunologjik. Hulumtimet moderne imunologjike vërtetojnë që përdorimi i rregullt i vajit të farës së zezë vepron si parapengues kundër sëmundjeve shoqërore sikur që janë disa lloje të kancerit, arteriosklerozës, sëmundjeve reumatike, kataraktës së syrit, . . .

Përdorimi konsekuent afatgjatë i përdorimit të vajit të farës së zezë përmirëson simptomat e ndryshme alergologjike në 90% rasteve. Përpos kësaj, përmirëson efektet imunologjike, ndihmon te alergjitë në polen dhe pluhur, te neurodermitisi, astma, infeksionet dhe sëmundjet tjera.

Vaji i farës së zezë mund të shfrytëzohet si shtesë në ushqim deri në 3 gram në ditë (për persona të shëndoshë, ndërsa gjatë shërimit sipas udhëzimeve për dozim), është mendim i dr. Schleicherit nga Departamenti i Imunologjisë në Mynhen.

Fara e zezë dhe mjalti me shekuj me sukses përdoren si mjete shëruese dhe me siguri veprimi i tyre nuk është tejkaluar as në shekullin 21, që vërtetojnë edhe hulumtimet moderne.

Është me rëndësi të dimë që veprimi i plotë i veprimit të farës së zezë  arrihet vetëm pas 8 deri në 12 javë të konsumimit të rregullt, thekson eksperti i imunologjisë, dr. Schleicher.

 

 

 

MËNYRA E PËRDORIMIT

 

1. Nervoza

Një lugë kafeje të vajit të farës së zezë me një filxhan kafeje.

 

2. Kolli dhe bronhitisi

Lyhet me vajin e farës së zezë gjoksi dhe shpina dhe pihet 3 x 1 lugë supe të vajit të farës së zezë + 2 lugë i qesim në gotën me ujë të vluar dhe e përdorim si inhalim.

 

3. Dobësia

Një lugë supe vaji të farës së zezë + lëng portokalli. Pihet 10 ditë në mëngjes.

 

4. Përmirësimi i memories

Një lugë të vogël vaj të farës së zezë me 100 ml çaj nane. Pihet dhjetë ditë.

 

5. Veshkët

Bluhen 1/4 kg farë të zezë dhe përzihen me 1/4 kg mjaltë. Pihet në mëngjes esull 2 lugë të kësaj përzierje me 1/2 gotë ujë të vakët dhe 1 lugë kafeje të vajit të farës së zezë.

 

6. Bukuria

Lyhet fytyra me një lugë të vajit të farës së zezë + një lugë të vajit të ullirit. Pas një ore lahet fytyra me sapun dhe ujë.

 

7. Vjellja dhe nauzea

Një lugë e vogël e karajfilit të bluar përzihet më një lugë supe të vajit të farës së zezë dhe pihet me një gotë çaj nane. Pihet tri herë në ditë.

 

8. Thumbimi

Vendi i thumbuar lahet me ujë dhe sapun, pastaj fshihet (teret) dhe lyhet me vajin e farës së zezë në mbrëmje dhe lihet deri në mëngjes. Kështu veprohet tri netë.

 

9. Zemra dhe enët e gjakut

Në mëngjes dhe mbrëmje pihet 1 lugë çaji vaji i farës së zezë me pije të nxehtë (çaj, qumësht, etj.).

 

10. Psoriaza

Vendin e sëmurë e lyejmë me uthull molle, pastaj me vaj të farës së zezë. Terapia zgjat 15 ditë. Nëse nevojitet të vazhdohet, bëhet pauza prej 10 ditësh, e pastaj përsëritet.

 

11. Lythat

Lythat lyhen me vaj të farës së zezë, pastaj pihet 1 lugë kafeje vaji i farës së zezë. Terapia shfrytëzohet 3 herë në ditë (15 ditë). Nëse nevojitet që të vazhdohet, bëhet pauza prej 10 ditësh, e pastaj përsëritet.

 

12. Reumatizmi

Lyhen dhe fërkohen me vaj të farës së zezë vendet e sëmura. Pastaj pihet një lugë e madhe vaj i farës së zezë. Terapia zgjat 14 ditë, 2 herë në ditë.

 

13. Kokëdhembja

Tri herë në ditë lyhet balli me vaj të farës së zezë, mollëzat dhe pas veshëve. Në mëngjes pihet 1 lugë çaji vaji i farës së zezë. Terapia zgjat tri ditë.

 

14. Thartira dhe pengesat e stomakut

Një gotë qumësht + 1 lugë supe vaj i farës së zezë, 3 herë në ditë.

 

15. Sëmundjet femërore

Një lugë kafeje vaj i farës së zezë me çaj të ëmbëlsuar me 1 lugë mjaltë. Pihet 5 herë në ditë. Terapia zgjat dyzet ditë.

 

16. Inflamimi i zgavërrave të hundës, kolli i thatë, astma bronhiale, gripi

5 herë në ditë lyhet brendia e zgavërrave të hundës me vaj të farës së zezë, thithet dhe hudhet sekreti në gojë (disa herë). Terapia zgjat 3 ditë.

 

17. Sëmundjet e syve dhe dëmtimi i të parit

Gjysëm ore para gjumit lyhen kapakët dhe lëkura rreth syve me vaj të farës së zezë, pastaj pihet 1 lugë çaji vaj i farës së zezë i përzier me lëngun e karrotës.

 

18. Diabeti

15 minuta para mëngjesit dhe mbrëmjes merret 1 lugë kafeje vaj i farës së zezë dhe përzihet me 1 gotë çaj të cimetit. Kujdes! Detyrimisht matet vlera e sheqerit para dhe pas marrjes së terapisë (1/2 orë), nëse sheqeri ka vlera të ulëta nuk merret terapia.

 

19. Forcimi i imunitetit

15 minuta para mëngjesit dhe mbrëmjes merret 1 lugë çaji vaj i farës së zezë dhe përzihet me 1/2 gotë ujë në të cilën është tretur një lugë supe mjaltë.

 

VËREJTJE TË RËNDËSISHME

 

1. Dozimi për fëmijë është gjysma e dozës së përmendur.
2. Te sëmundjet e rënda nevojitet terapia afagjatë.
3. Të sëmurët me organe të transplantuara nuk duhet ta përdorin vajin e farës së zezë.
4. Shtatëzënave nuk u rekomandohet përdorimi i vajit të farës së zezë.

 

www.n-um.com

 

Përktheu dhe përshtati:

Prim.dr.med.sc. Ali F. Iljazi